Mağazalarda gəlinliklə bağlı ABSURD: "Primerka"ya görə 100 AZN tələb olunur - VİDEO

Artıq gəlinliyi təkcə kirayələmək üçün yox, geyinib yoxlamaq üçün də ödəniş tələb edilir.

Paytaxtda aparılan sorğu zamanı bəzi sakinlər də bu cür halla qarşılaşdıqlarını bildiriblər. Onlar gəlinliyi yoxlamaq üçün pul tələb olunmasını düzgün hesab etmirlər.

Gəlinliyin geyinilib yoxlanması üçün tələb olunan məbləğ 40, 50, hətta 100 manata çatır. Ödəniş tələb edən mağazalar bunu müxtəlif səbəblərlə izah edirlər.

Hüquqşünas Samir Qasımovun sözlərinə görə, bu cür məsələlər qanunvericiliklə xüsusi olaraq tənzimlənmir.

Hüquqşünas deyir ki, bu barədə formalaşmış məhkəmə təcrübəsi də yoxdur.