Kliniki Tibbi Mərkəzə yeni kadr təyinatı olub

Kliniki Tibbi Mərkəzdə (KTM) yeni kadr təyinatı olub.

Mərkəzdən BAKU.WS-ə verilən məlumata görə, infeksion xəstəliklər və klinik mikrobiologiya üzrə mütəxəssis Fərrux Sədirov KTM-in Mərkəzin baş infeksionisti vəzifəsinə təyin edilib.

Qeyd edək ki, Sədirov Fərrux Cəbrayıl oğlu 1983-cü il iyulun 8-də Bakı şəhərində anadan olub. Orta təhsilini Bakı şəhəri, Xətai rayonu 194 saylı orta məktəbdə alıb. 2000-2006-cı illərdə Azərbaycan Tibb Universitetinin (ATU) “Müalicə işi” fakültəsində təhsil alıb.

2006-2007-ci illərdə internatura təhsilini həkim-nevroloq kimi Kliniki Tibbi Mərkəzdə alıb. 2014-2020-ci illərdə Türkiyənin İstanbul Universitetindəki Cərrahpaşa Tibb Fakültəsi, İnfeksion xəstəliklər və Klinik mikrobiologiya üzrə təhsilini davam etdirib.

2008-2009-cu illərdə M.Əliyev adına Respublika Təsərrüfat Hesablı Poliklinikada həkim-nevropotoloq, 2009-2011-ci illərdə 1 saylı Bakı dəmiryol poliklinikasında həkim-nevropotoloq, 2011-2012-ci illərdə Azərbaycan Respublikası Fövqəladə hallar orqanları, N-saylı hərbi hissə həkimi kimi fəaliyyət göstərib.

2020-2021-ci illərdə TƏBİB-in koordinasiyası şöbəsinin Cənub ərazi bölməsi üzrə koordinatoru vəzifəsində çalışıb.