Kamal Abdulla qalmaqallı universitetin tələbələri ilə görüşdü

Azərbaycan Dillər Universitetinin (ADU) yeni rektoru Kamal Abdulla kollektivə təqdim olunub.

"Report" xəbər verir ki, təqdimat mərasimində təhsil naziri Mikayıl Cabbarov da iştirak edib.

M.Cabbarov K.Abdullanın 14 il Bakı Slavyan Universitetinin rektoru vəzifəsində çalışdığını, bu rektorluq təcrübəsinin ADU-ya faydalı olacağını deyib.

Qeyd edək ki, iyun ayının 1-də Prezident İlham Əliyev Kamal Mehdi oğlu Abdullayevin (Kamal Abdulla) Azərbaycan Dillər Universitetinin rektoru təyin edilməsi haqqında sərəncam imzalayıb.

Bu təyinata qədər Kamal Abdulla Azərbaycan Respublikasının millətlərarası, multikulturalizm və dini məsələlər üzrə Dövlət müşaviri vəzifəsində çalışıb.

Xatırladaq ki, 2016-cı ilin dekabrın 22-dən ADU-nun rektoru vəzifəsinin icrası universitetin Tədris işləri üzrə prorektoru, professor Əfqan Abdullayevə həvalə edilmişdi.

BAKU.WS