Füzulinin işğaldan azad olunmuş Qarğabazar kəndində Şərq çinarları əkilib - FOTO

Türkiyə Cümhuriyyəti Kənd Təsərrüfatı və Meşə Nazirliyinin təşəbbüsü ilə “Gələcəyə nəfəs ol!” şüarı altında keçirilən kütləvi ağacəkmə aksiyası çərçivəsində Ekologiya və Təbii Sərvətlər Nazirliyinin (ETSN) təşkilatçılığı ilə Azərbaycanın bütün bölgələrində olduğu kimi, Füzuli rayonunun işğaldan azad olunmuş Qarğabazar kəndinin ərazisində də ağac əkilib.

BAKU.WS Trend-ə istinadən xəbər verir ki, bunu jurnalistlərə nazirliyin mətbuat katibi İradə İbrahimova bildirib.

O qeyd edib ki, ETSN-nin əməkdaşları tərəfindən ərazidə əsasən Şərq çinarları əkilib və palıd toxumları səpilib.