Eldar Əzizov bağçaların açılmasından danışdı

“Bağçalar epidemioloji vəziyyətdən asılı olaraq açıla bilər. Paytaxtda olan uşaq bağçalarının açılması ilə bağlı bu gün dəqiq nəsə deyə bilmərik”.

BAKU.WS xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Bakı Şəhər İcra Hakimiyyətinin başçısı Eldar Əzizov bildirib.

E. Əzizov deyib ki, mütəxəssislərin qərarından sonra son söz deyilə bilər:

“Qərargah üzvləri qərar çıxarsalar, ondan sonra biz bağçaları açıb istifadəyə verə bilərik. Bununla belə düşünürəm ki, yaxın vaxtlarda bu məsələyə baxılmayacaq”.