Dövlət Gömrük Komitəsi türkiyəli həkimə protokol yazdı

Dövlət Gömrük Komitəsi Bakıda fəaliyyət göstərən türkiyəli həkim, uroloq-androloq Abdullah Arman Özdemir barədə inzibati protokol tərtib edib.

BAKU.WS “report”a istinadən xəbər verir ki, İnzibati Xətalar Məcəlləsinin 482.1-ci (Azərbaycan Respublikasının gömrük sərhədindən keçirilən malların və ya nəqliyyat vasitələrinin bəyan edilməməsinə görə) maddəsinə əsasən, yazılan protokol baxılması üçün Xəzər Rayon Məhkəməsinə göndərilib.

Qeyd edək ki, bu xətaya görə, az miqdarda olduqda inzibati xətanın bilavasitə obyekti olan mallar və nəqliyyat vasitələri müsadirə edilir, yaxud həmin malların və nəqliyyat vasitələrinin dəyərinin altmış faizindən yüz faizinədək məbləğdə cərimə edilir.