"Dedi ki, ağzını-burnunu vurub sındıraram!" - Klinika rəhbəri "Baku TV" əməkdaşlarına hücum etdi

Baku TV-nin çəkiliş qrupu Nəsimi rayonu ərazisində yerləşən Bioloji Təbabət Klinikasının qarşısında hücuma məruz qalıb.

Canlı bağlantıdan sonra çəkiliş davam etdirilən zaman klinikanın rəhbəri media əməkdaşlarına yaxınlaşaraq çəkilişə mane olub.

Görüntülərdə həmin şəxsin kameraya zərbə vurduğu, avadanlığın bir hissəsini sındırdığı və operatora xəsarət yetirdiyi əks olunub.

Baku TV əməkdaşları baş verən hadisə ilə bağlı aidiyyəti qurumlara müraciət ediblər.