Daha 2 xarici sığorta brokeri Azərbaycan bazarına daxil olub

Azərbaycan Mərkəzi Bankı (AMB) daha 2 xarici şirkəti xarici sığortaçılar, təkrarsığortaçılar və sığorta brokerlərinin reyestrinə daxil edib.

BAKU.WS xəbər verir ki, bu barədə report AMB-yə istinadən xəbər verir.

Məlumata görə, bunlar, Qazaxıstana məxsus "Verny Insurance Broker" və Birləşmiş Ərəb Əmirliklərinə məxsus "SHIELDS Reinsurance Brokers Limited"dir. Bununla da, Azərbaycanın sığorta bazarında fəaliyyət göstərən xarici brokerlərin sayı 103-ə çatıb.

Bundan əvvəl bu ilin iyul ayında Böyük Britaniyaya məxsus "Ardonagh Specialty Limited", Latviyaya məxsus "Marine Underwriting Services SlA", eləcə də "CIB Georgia Insurance Broker LLC" sığorta brokerləri şirkəti sığorta brokerlərinin reyestrinə daxil edilmişdi.

Xatırladaq ki, "Verny Insurance Broker" 2004-cü ildən, "SHIELDS Reinsurance Brokers Limited" 2025-ci ildən fəaliyyət göstərir.