Bu rayonda su və kanalizasiya sistemi tikiləcək – 19 milyonluq LAYİHƏ

Ağdam rayonunun Qərvənd və Eyvazxanbəyli kəndlərində xarici su təchizatı və kanalizasiya sistemi tikiləcək.

BAKU.WS-in məlumatına görə, layihəni Tikilməkdə Olan Obyektlərin Müdiriyyəti həyata keçirəcək.

Layihənin reallaşması üçün ehtimal olunan məbləğ 19 149 353,88 manat təşkil edəcək.

İnfrastruktur təşəbbüsü təkcə su və kanalizasiya xətlərinin çəkilməsi ilə məhdudlaşmır, həm də kəndlərin yol və infrastrukturunun yenilənməsini əhatə edir.

Qeyd edək ki, proqramın icrası bölgədə içməli su təminatının yaxşılaşdırılmasına və sanitariya şəraitinin yüksəldilməsinə xidmət edəcək.