Bu rayonda 1, 2 və 3 otaqlı mənzillər pulsuz veriləcək

Sosial Xidmətlər Agentliyi Zərdab rayonunda sosial həssas qrupların mənzil şəraitinin yaxşılaşdırılması istiqamətində yeni addım atacaq.

BAKU.WS-in məlumatına görə, layihə çərçivəsində əlilliyi müəyyən olunmuş şəxslər və şəhid ailələri üçün ümumilikdə 68 mənzilin satın alınması nəzərdə tutulur.

Bunlardan 34-ü üçotaqlı, 26-sı ikiotaqlı, 8-i isə birotaqlı olacaq.

Layihənin dəyəri 5 milyon 610 min 800 manat təşkil edir.

Qeyd edək ki, bu addım sosial müdafiəyə ehtiyacı olan vətəndaşların mənzil təminatının yaxşılaşdırılmasına yönəlib.