Bu çörəkləri almayın! - Daha bir çörək sexi bağlandı - FOTO

Qida təhlükəsizliyi qeydiyyatından keçmədən, anti-sanitar şəraitdə fəaliyyət göstərən çörək sexinin fəaliyyəti məhdudlaşdırılıb.

BAKU.WS xəbər verir ki, bu barədə Qida Təhlükəsizliyi Agentliyi məlumat yayıb.

Bildirilib ki, agentlik əməkdaşları tərəfindən Ağcabədi rayonu, dörd yol ərazisində fəaliyyət göstərən fiziki şəxs Mehdiyev Firidun Elşad oğluna məxsus çörək istehsalı müəssisəsində yoxlama həyata keçirilib.

İlkin baxış zamanı müəssisənin qida təhlükəsizliyi qeydiyyatı olmadan fəaliyyət göstərdiyi aşkarlanıb. Araşdırma zamanı məlum olub ki, çörək sexi sanitar-gigiyenik qaydalara, qida təhlükəsizliyinə dair normativ aktlara əməl etmədən fəaliyyət göstərir.

Aşkar edilən nöqsanlarla bağlı qanunvericiliyə uyğun olaraq çörək sexinin fəaliyyəti məhdudlaşdırılıb. Araşdırmalar davam etdirilir.

Qalereya