Bir vaxtlar şəfa məkanı idi, indi isə xarabalıqdır: "Qızılqum" sanatoriyasının ürəkdağlayan görüntüləri

Pirşağı qəsəbəsində yerləşən "Qızılqum" sanatoriyası uzun illərdir ki, fəaliyyətini dayandırıb.

Baku TV-nin məlumatına görə, hazırda xarabalığa çevrilən, viran qalan bu bina bir zamanlar insanların istirahət və müalicə üçün üz tutduğu məkan olub.

Bir vaxtlar işıqlı dəhlizləri və geniş, dəniz mənzərəli palataları ilə diqqətçəkən bina hazırda baxımsızlıq səbəbindən acınacaqlı vəziyyətə düşüb. Sanatoriyanın pəncərələri sınıb, divarları, döşəməsi və tavanları uçub, bina isə təhlükəli və qəzalı vəziyyətdədir. Hətta pilləkənlərin taxtaları da çürüyüb, bəzi hissələr isə tamamilə yerindən qopub.