Bakıya yağan yağış yolları iflic etdi (FOTO)

Bakıya və ətraf royanlara yağan intensiv yağışlar ciddi fəsadlara səbəb olub.

BAKU.WS-in məlumatına görə, yağışın şiddətini artırması yollarda gölməçələrin yaranmasına səbəb olub. Yolda suyun səviyyəsi avtomobillərin hərəkətinə də mane olub. Xüsusilə Xırdalanda intensiv yağış yolda suyun səviyyəsini artırıb.  

Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamentindən BAKU.WS-ə bildirilir ki, Bakıda və Abşeron yarımadasında martın 29-30-da hava şəraitinin qeyri-sabit keçəcəyi, arabir yağış yağacağı, bəzi yerlərdə intensiv olacağı, şimal-qərb küləyinin arabir güclənəcəyi gözlənilir.

Azərbaycanın rayonlarında martın 29-30-da hava şəraitinin qeyri-sabit keçəcəyi, arabir yağış yağacağı, dağlıq və bəzi dağətəyi rayonlarda sulu qara, qara keçəcəyi, ayrı-ayrı yerlərdə intensiv olacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Çaylarda sululuğun artacağı ehtimal olunur.

BAKU.WS