Xətai rayonunda zibil yığılmamasının səbəbi ŞADLIQ SARAYI İMİŞ...

Xətai rayonunda zibil yığılmamasının səbəbi məlum olub.

Xətai Rayon İcra Hakimiyyətindən BAKU.WS-ə bildirilib ki, sözügedən ərazi ilə bağlı "Mübarək" şadlıq sarayı ilə müqavilə mövcuddur. Məlumata görə, ərazinin təmiz saxlanılması həmin obyektin öhdəliyindədir. Bildirilib ki, öhdəliklər yerinə yetirilmədiyi üçün ərazidə zibil problemi yaranıb. Məsələ ilə bağlı müvafiq tədbirlərin görüləcəyi qeyd olunub.

***10:37

Xətai rayonunda zibil yığılmaması sakinlərin narazılığına səbəb olub.

Vətəndaşın BAKU.WS-in "qaynar xətt"inə bildirdiyinə görə, artıq 4-5 gündür ərazi zibil içində qalıb. Şikayət Xocalı parkının düz yanında, "Mübarək" şadlıq evinin yaxınlığında yerləşən ərazini əhatə edir.

Sakinlər bildirirlər ki, yığılan məişət tullantıları ətraf mühitə xoşagəlməz qoxu yayır və sanitar vəziyyəti daha da ağırlaşdırır.

Məsələ ilə bağlı Xətai rayon İcra Hakimiyyətinə sorğu göndərdik.

Şahanə Xankişiyeva