Bakı yollarına quraşdırılan "Toy kameraları" nəyi çəkir? - RƏSMİ AÇIQLAMA

Bakının bəzi küçələrində maşınların hərəkəti xüsusi kameralar vasitəsilə çəkilir. 

BAKU.WS xəbər verir ki, bu barədə görüntülər sosial şəbəkələrdə yayılıb.

Sürücülər sözügedən kameralara paytaxtın əksər yollarında rast gəldiklərini iddia edirlər. 

Məsələ ilə bağlı Azərbaycan Yerüstü Nəqliyyat Agentliyi ilə əlaqə saxladıq. 

Qurumdan BAKU.WS-in sorğusuna cavab olaraq bildirildi ki, AYNA tərəfindən Bakı şəhəri və ətraf ərazilərdə nəqliyyat modelinin yenilənməsi məqsədilə nəqliyyat axınlarının videoçəkilişi aparılır. Çəkiliş podratçı şirkətin əməkdaşları tərəfindən günün müxtəlif saatlarında həyata keçirilir.