Bakı-Ələt-Hacıqabul avtomobil yolunda hərəkət qismən məhdudlaşdırılıb

Bakı-Ələt-Hacıqabul avtomobil yolunda təmir işlərinə start verilməsi ilə əlaqədar avtonəqliyyat vasitələrinin hərəkəti 97-104-ci kilometrliyində məhdudlaşdırılıb.

BAKU.WS apa-ya istinadən xəbər verir ki, adı çəkilən magistral yolun 15, 69, 97.7 və 117-ci kilometrlik hissələrində əsaslı təmir işlərinin aparılması nəzərdə tutulur.

Ötən gündən başlayaraq BDYP-nin Nəvahi YPX-nin yaxınlığından Qazax istiqamətində yerləşən aralıqda asfalt yolunun qaşınması həyata keçirilir.

Həmin intervalda Bakı-Qazax istiqamətində yol tam bağlanıb. Yolun Qazax-Bakı istiqaməti hissəsində hərəkət ikitərəfli şəkildə həyata keçirilir.

Hərəkətin təhlükəsizliyini təmin etmək üçün avtoobillərin hərəkətini tənzimləyən bütün zəruri yol nişanları yerləşdirlib. Həmin intervalda sürət həddi 50 km/saata endirlib. BDYP təmir müddətində sürücüləri diqqətli olmağa çağırır.

Hərəkətin məhdudlaşdırılması yolda aparılan təmir işləri bitənədək qüvvədə olacaq.

Bakı-Ələt-Hacıqabul avtomobil yolunda avtonəqliyyat vasitələrinin hərəkəti aparılan təmir işlərindən asılı olaraq mərhələli şəkildə məhdudlaşdırılacaq.

Qalereya