“Azəriqaz”dan xəbərdarlıq! - Bu şəxslərin qaz təchizatı DAYANDIRILACAQ

“Bir ay müddətində “Azəriqaz” İstehsalat Birliyi ilə müqavilə bağlamayan vətəndaşların qaz təchizatı dayandırılacaq”.

BAKU.WS oxu.az-a istinadən xəbər verir ki, bunu birliyin Qəza Çağrı Xidməti Şöbəsinin rəisi Xalidə Şimşək bildirib.

Onun sözlərinə görə, avqust ayı ərzində çağrı mərkəzinə 47 min zəng daxil olub:

“Onun 11 faizi qaz təchizatının dayandırılması barədə bildiriş almayan abonentlərdir. Onlar bununla bağlı narazılıqlarını bildiriblər. Elə vətəndaşlar var ki, bazada mobil nömrələri belə yoxdur. Müqavilənin bağlanması ilə bu kimi problemlər aradan qaldırılacaq”.

“Artıq vətəndaşlara mesaj göndərilir ki, müqavilələrini yeniləsinlər və ya yenisini bağlasınlar. Bir ay müddətinə müqavilə bağlamayan vətəndaşların qaz təchizatı dayandırılacaq”, - deyə o əlavə edib.