Azərbaycanda sürücülük vəsiqələrində hicab qadağası götürülüb? - RƏSMİ CAVAB

Azərbaycanda sürücülük vəsiqələrində qadınların hicabla fotolarının yerləşdirilməsinə qoyulan qadağanın götürülməsi barədə məlumat yayılıb.

Bu barədə sosial şəbəkədə sənədin fotosu da yayılıb.

Məsələyə rəsmi münasibət öyrənmək üçün Baş Dövlət Yol Polisi İdarəsinə müraciət etdik. İdarənin inspektoru, polis leytenantı Elvin Hacıyev BAKU.WS-ə bildirdi ki, görüntüdən məlumatlıyıq və məsələ ilə bağlı xidməti araşdırma aparılır: "Nəticədən asılı olaraq məsələyə hüquqi qiymət veriləcək".