Azərbaycanda nağdsız qaydada daşınmaz əmlak alanlara 17 milyon manatdan çox ƏDV geri qaytarılıb

Bu ilin yanvar-iyun aylarında Azərbaycanda nağdsız qaydada daşınmaz əmlak alanlara 17 milyon 50,4 min manat əlavə dəyər vergisi (ƏDV) geri qaytarılıb.

BAKU.WS məlumat verir ki, bu barədə report İqtisadiyyat Nazirliyi yanında Dövlət Vergi Xidmətinə (DVX) istinadən xəbər verir.

DVX bildirir ki, Azərbaycanda bina tikintisi ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin bir hissəsinin fiziki şəxs olan istehlakçılara qaytarılması ilə bağlı layihə uğurla davam etdirilir.