Azərbaycanda alim koronavirusdan vəfat etdi

Azərbaycan Milli Elmlər Akademiyasının (AMEA) alimi Arif Məhərrəmov koronavirusdan vəfat edib.

BAKU.WS “qafqazinfo”ya istinadən xəbər verir ki, A.Məhərrəmov ötən gün dəfn olunub.

Arif Məhərrəmov 1952-ci ildə Ermənistan SSR-nin Spitak rayonunda anadan olub. Azərbaycan Dövlət Universitetinin fizika fakültəsini, Moskvada SSSR-i EA-nın Kimyəvi Fizika İnstitutunun aspiranturasını bitirib. AMEA-nın Radiasiya Problemləri İnstitutunda şöbə müdiri vəzifəsində çalışıb. Fizika-Riyaziyyat elmləri doktoru, professordur.

2017-ci ildə "İlin nüfuzlu alimi" ali media mükafatına layiq görülüb. Alim 400-dən artıq elmi işin müəllifidir. Onlardan 200-ü xaricdə çap olunub. 15 müəlliflik şəhadətnaməsinin və patentin müəllifidir. Onun rəhbərliyi altında 11 elmlər namizədi müdafiə edib. 2 doktorluq dissertasiyasının məsləhətçisidir.