ATU-nun idman kompleksi əsaslı TƏMİR OLUNACAQ

Azərbaycan Tibb Universitetinin (ATU) Tədris İdman Kompleksində əsaslı təmir işlərinin aparılması nəzərdə tutulur.

BAKU.WS-in məlumatına görə, Bunun üçün 486 min 160 manat vəsait ayrılıb.

Layihə çərçivəsində kompleksin sanitar qovşaqları və dam örtüyü yenilənəcək.

Təmir işlərinin həyata keçirilməsi nəticəsində ATU-nun Tədris İdman Kompleksinin sanitar şəraitinin və ümumi infrastrukturunun yaxşılaşdırılması, tələbə və əməkdaşlar üçün daha əlverişli və təhlükəsiz mühitin yaradılması gözlənilir. Layihə həmçinin binanın uzunmüddətli istifadəyə yararlılığının artırılmasına xidmət edəcək.