AMB rəsmisi: "Katastrofik risklər dövlət büdcəsinə düşən yükü artıra bilər"

Azərbaycanda katastrofik risklərin dövlət büdcəsinə düşən yükü artırması riskləri də var.

BAKU.WS report-a istinadən xəbər verir ki, bunu Azərbaycan Mərkəzi Bankının (AMB) Sığorta fəaliyyətinə nəzarət departamentinin direktoru Vüsal Qurbanov Bakıda keçirilən Katastrofik Risklərə Qarşı Dayanıqlı Maliyyə Sistemi Konfransında bildirib.

Onun sözlərinə görə, hazırda bu məsələ AMB üçün prioritetdir: "Katastrofik risklər infrastrukturun tamamilə dağılmasına, istehsalatın ləngiməsinə, biznes fəaliyyətinin dayanmasına, ümumilikdə maliyyə sektorunda ağır fəsadlara, ölkə iqtisadiyyatında resessiya səbəb olur", - deyə o qeyd edib.