"Apple" Wi-fi xidmətinə görə məhkəməyə verildi

 

 

BAKU.WS-in məlumatına görə, ötən ay istifadəyə verilən İOS 9 sistemində olan bir yenilik şirkətin başını hələ uzun müddət ağrıdacaq. Tənzimləmələr bölməsində olan "Wi-fi Yardımı" (Wi-fi Assist) funksiyası istifadəçilərin xeyli miqdarda telefon danışığı haqqı ödəməsinə səbəb olub.

"Wi-fi Yardım" xidməti Wi-fi-da internet zəiflədikdə avtomatik olaraq 3G xidmətinin  işə salınmasına səbəb olur. Nəticədə istifadəçiyə daha sürətli bir internet təmin edilir. Ancaq internet kvotası az olan istifadəçilər fərq etmədən bu limiti ötürlər. Üstəlik cihaz, sizə bununla bağlı xəbərdarlıq etmir. Telefonunuzda bu xidməti bağlamasanız eyni aqibət sizin də başınıza gələ bilər.

Amerikalı bir cüt "Apple" şirkətini məhz bu xidmətə görə məhkəməyə verib. Məhkəmə cütün haqlı olduğunu bildirib və "Apple" şirkətinin təzminat olaraq 5 milyon dollar ödənməsini tələb edib. "Apple" bu mövzuda haqsız olmasının əsas səbəbi isə "Wi-fi Yardımı" xüsusiyyəti ilə bağlı xəbərdarlıq etməməsidir. Əgər yeni xidmət üçün seçim imkanı yaradılsaydı bu cür hadisə olmayacaqdı.