Süddən imtina etməyin sağlamlıq üçün riskləri açıqlandı

Süd məhsulları, xüsusən də uşaqlar üçün gündəlik pəhrizdən xaric edilməməlidir.

BAKU.WS xəbər verir ki, bu barədə "Gazeta.ru"ya ROSBIOTECH Universitetinin "Süd, probiotik süd məhsulları və pendir istehsalı texnologiyası" kafedrasının dosenti İnna İonova məlumat verib.

Mütəxəssisin sözlərinə görə, süd məhsulları xüsusilə tərkibində olan minerallar, vitaminlər və karbohidratlara görə məktəb yaşlı uşaqların sağlam böyüməsi və inkişafı üçün vacibdir.

"Süd və ya süd məhsulları insanın gündəlik qida rasionunun 40%-ni əvəz edə bilər. Probiotik süd məhsullarının istehlakı həzm balansını və immun sisteminin sağlamlığını yaxşılaşdırmağa kömək edə bilər. Probiotik süd məhsulları potensial zərərli mikroblardan qorunmağa kömək edir, tənəffüs və ağız sağlamlığını dəstəkləyir", - o, qeyd edib.

Süd dözümsüzlüyü olan insanlar üçün laktoza olmayan süd və ya bitki mənşəli içkilərdən istifadə etmək tövsiyə olunur.