Bu il Azərbaycanda qış sərt keçəcək? - Bakıya qar yağacaqmı?
![Bu il Azərbaycanda qış sərt keçəcək? - Bakıya qar yağacaqmı?](https://baku.ws/storage/photos/thumbs/large/1700647166_1640164787_baku.webp)
Son günlər Azərbaycanda qışın sərt keçəcəyi ilə bağlı rəsmi qurumlar tərəfindən iclaslar keçirilir, qar təmizləyən texnikalar hazır vəziyyətə gətirilir.
Lakin bir məsələ var ki, hazırda payız ayı olmasna baxmayaraq temperatur mövsüm normalarının üzərindədir. Bu zaman ağıllara bir sual düşür. Bu il Azərbaycanda qış çox sərt keçəcək? Yoxsa qurumlar ötən il yağan qara görə iflic vəziyyətə düşən yollardan sonra bu il üçün öncədən daha yaxşı hazırlaşır?
BAKU.WS xəbər verir ki, ölkəmizə soyuq hava kütlələri eyni zamanda həm şərqdən, həm də qərbdən müdaxilə edir. Bu zaman respublikanın bütün rayonlarında bol yağıntılar düşür, dağ çaylarında selyaranma ehtimalı çoxalır, eləcə də qar yağır.
Belə çıxır ki, qonşu ölkələrdə, Türkiyədə və Rusiyanın Avropa hissəsində müşahidə ediləcək hava eyni zamanda Azərbaycandakı qışın siqnallarını verir.
Bu il dünya eləcə də Türkiyə, El Nino hava axınının təsirindədir. Təcrübələrə görə, El Nino axınının hakim olduğu illərində Türkiyənin yerləşdiyi Şərqi Aralıq dənizi hövzəsində ümumiyyətlə bol yağışlı qış fəsilləri olur.
2023-2024-cü illərin qışı Türkiyədə yağışlı və soyuq keçəcək. Noyabrdan başlayaraq yağıntıların artacağı, temperaturun aşağı düşəcəyi gözlənilir. Dekabrdan başlayaraq qarın yağma ehtimalı var.
Bu qış Türkiyədə yağıntının ümumiyyətlə orta və ya yuxarı səviyyəsində olacağı gözlənilir. Bu, xüsusilə şimal və şimal-şərq rayonlarında qarın yağma ehtimalını artırır.
Qonşu Rusiyada da vəziyyət demək olar ki oxşardır. Bu il Rusiyada temperatur iqlim normalarına yaxın, bəzən isə yüksəkdir. Yerli metroloqlar bunu qlobal istiləşmə ilə əlaqələndirirlər. Lakin bu o demək deyil ki, Rusiyada qar yağmayacaq. Hər il paytaxt Moskvada ilk şaxtalar noyabrın sonunda yaransa da, bu mövsüm hava yalnız dekabrın son günlərində əhəmiyyətli dərəcədə soyuqlaşacaq. Yanvarın ilk günlərində Moskvada şiddətli şaxta gözlənilmir, lakin qar örtüyü kifayət qədər sıx və sabit olacaq.
Görünən odur ki, Azərbaycanda soyuq havanın formalaşmasında birbaşa təsiri olan iki ölkədə də temperatur ötən illərdəki ilə müqayisədə çox da fərqlənmir.
Qeyd edək ki, son zamanlar qış aylarının sərt keçəcəyi ilə bağlı Bakı Şəhər İcra Hakimiyyətində adiyyəti üzrə müvafiq müşavirələr keçirilib. Ehtimal olunur ki, proqnozlar öncədən Ekologiya və Təbii Sərvətlər Nazirliyinin tabeliyindəki müvafiq qurumlar tərəfindən göndərilir.
Oxşar xəbərlər
Avtomobil yollarındakı vəziyyət necədir?
Azərbaycan Avtomobil Yolları Dövlət Agentliyi (AAYDA) hava şəraiti ilə əlaqədar ölkənin avtomobil yollarındakı saat 09:30-a olan vəziyyət barədə yeni açıqlama y...