17 il övlad həsrəti çəkən qadın ana oldu

Uzun illər xarici ölkələrdə nəticəsiz qalan müalicələrdən sonra 17 il övlad həsrəti yaşayan pasiyent Azərbaycanda ana olub.

BAKU.WS xəbər verir ki, bu barədə Səhiyyə Nazirliyi məlumat yayıb. Bildirilib ki, pasiyent Elmi-Tədqiqat Mamalıq və Ginekologiya İnstitutunda aparılan müalicə nəticəsində hamilə qalıb.

Məlumata görə, Reproduktiv Sağlamlıq Texnologiyaları şöbəsinin müdiri, dosent Xəyalə Təhməzinin nəzarəti ilə aparılan müalicə uğurlu nəticə verib. Nəticədə 27-ci həftədə 1290 qram çəkidə dünyaya gələn Aynur Bağırova 40 gün davam edən intensiv neonatal müalicədən sonra sağlam şəkildə ailəsinə təhvil verilib.