Sabiq nazir Fazil Məmmədov dəfn olundu - FOTO/VİDEO - YENİLƏNİB

Azərbaycanın keçmiş vergilər naziri Fazil Məmmədov dəfn edilib.

BAKU.WS report-a istinadən xəbər verir ki, mərasimdə sabiq nazirin ailə üzvləri, yaxınları, dövlət rəsmiləri və ictimaiyyət nümayəndələri iştirak edib.

Mərhum Yasamal qəbiristanlığında torpağa tapşırılıb.

Qeyd edək ki, F.Məmmədov noyabrın 3-də Türkiyədə müalicə olunduğu xəstəxanada dünyasını dəyişib. Onun ürək çatışmazlığından vəfat etdiyi bildirilib.

Xatırladaq ki, F.Məmmədov 1964-cü ildə anadan olub. O, 2000-2017-ci illərdə vergilər naziri vəzifəsində çalışıb.

***09:35

Türkiyədə vəfat edən Azərbaycanın keçmiş vergilər naziri Fazil Məmmədov dəfn olunur.

BAKU.WS oxu.az-a istinadən xəbər verir ki, sabiq nazirin cənazəsi dəfn olunması üçün Yasamal qəbiristanlığına gətirilib.

Dəfn mərasiminə onun ailə üzvləri, tanışları, bir sıra ictimai xadimlər qatılıblar.

Qeyd edək ki, 58 yaşlı sabiq nazir Fazil Məmmədov ötən gün Türkiyədə müalicə aldığı xəstəxanada ürək çatışmazlığından vəfat edib.

Qalereya