Nabranda kəpənəklər ağaclara hücum çəkib - VİDEO

Azərbaycanın Xaçmaz rayonunun Nabran qəsəbəsində kəpənəklərin kütləvi şəkildə ağacları hücumu qeydə alınıb.

BAKU.WS xəbər verir ki, bu barədə Real.tv-nin jurnalisti Ülviyyə Hüseynova özünün şəxsi sosial şəbəkə hesabında paylaşım edib.

Görüntülərdə kəpənəklərin sanki ağacları əsir götürməsi öz əksini tapıb. Xeyli sayda kəpənək ətrafdakı ağaclara qonaraq onlara ziyan vurub.

Bu həşəratların Amerika kəpənəkləri və ziyanverici olduğu deyilir. Hər il müvafiq ayda tozlandırma aparılsa da, bu il nədənsə bu, baş verməyib. Nəticədə saysız hesabsız kəpənəklər ağaclara hücum çəkib.