"Yapraq dökümü"nün "Ayşə"si illər sonra - FOTO

Türkiyənin ən məşhur seriallarından olan "Yapraq dökümü"nün uşaq ulduzu illər sonra üzə çıxıb.

BAKU.WS-in məlumatına görə, 5 sezon yayımlanan və Azərbaycan da daxil olmaqla onlarla ölkədə izlənmə rekordları qıran serialın azyaşlı ulduzu "Ayşə" - Şəbnəm Cecelinin yeni görüntüsünü adıçəkilən filmin digər aktrisası Bennu Yıldırımlar (Fikrət) paylaşıb. Hüquq fakültəsində təhsil alan Ceceli serialdan sonra təhsilə üstünlük verib və yeni filmlərdə rol almayıb.

"Uzun bir fasilədən sonra "Yaprak dökümü"ndə ən kiçik bacımızın rolunu ifa edən Şəbnəm Ceceli ilə görüşdük. O, artıq hüquq fakültəsində təhsil alır. Qürur duydum, yolun açıq olsun".