Xuraman Şuşalı: "Allaha xatir şəkillərimi silin"

Sənətçi Xuraman Şuşalı köhnə görüntülərinin sosial şəbəkələrdən silinməsini xahiş edib.

BAKU.WS “unikal.org”a istinadən xəbər verir ki, müğənni bu barədə "Həmin Zaur" proqramına qonaq olarkən söhbət açıb.

Müğənni bildirib ki, hicabsız şəkillərinin hələ də bir çox yerdə yayımlanması onu narahat edir:

"Dəfələrlə demişəm, xahiş etmişəm ki, Allaha xatir, şəkillərimi silin. Bəziləri sildi, amma sonra yenidən yüklədilər. Hicaba gələndən sonra 3 il sənətdən uzaqlaşdım. Amma oxumadan dura bilmədim. İslama güclü imanla gəldim, bacarmadım. Ümid edirəm, tək günahım oxumaq olar".