Xırdalanın "Bombey" məhəlləsinin uşaqları artıq sığınacaqdadır - VİDEO

Azərbaycan Uşaqlar Birliyinin sədri Kəmalə Ağazadə sosial şəbəkədə yeni paylaşım edib.

BAKU.WS xəbər verir ki, qurum təmsilçisi bir müddət əvvəl Xırdalan şəhərində "Bombey" məhəlləsində ağır vəziyyətdə olan 4 bacı-qardaşın görüntülərini yayımlayıb.

Kəmalə Ağazadə bildirib ki, həmin uşaqlar artıq sığınacağa yerləşdirilib:

"Yadınızdadır, Xırdalanda "Bombey" məhəlləsində ağır durumdan çıxartdığımız 4 bacı-qardaş. 8 ay ərzində onların reabilitasiyası həyata keçirildi. 6-7 yaşlı bacıların reabilitasiyası uzun zaman apardı və balacaları da onlardan ayırmaq düzgün olmazdı.

Uşaqlar bu gün Sosial Xidmətlər Agentliyinin sığınacağına yerləşdirildi. Növbəti mərhələ onların dövlət qayğısı ilə əhatə olunması, valideyni ilə bağlı qərarın verilməsidir".