Vasif Məhərrəmli: “Elə sənət dostlarım var ki, pintidirlər” - VİDEO

Əməkdar artist Vasif Məhərrəmli yeni açıqlaması ilə gündəmə gəlib.

BAKU.WS xəbər verir ki, “Onun sirri” verilişinə qonaq olan sənətçi bir neçə il əvvəl qalmaqala səbəb olan “Heç vaxt mazut iyi gələn adamın yanında oturmuram” fikirlərinə aydınlıq gətirib:

“Niyə kişinin üzərindən mazut iyi gəlməlidir? Kişinin üstündən ətir iyi gələr. Deməmişəm ki, heç vaxt oturmaram. Demişəm ki, “mən onun yanında niyə oturmalıyam?” Tək mazut iyi yox, natəmiz adamın yanında, küçədəki “bomj”un, pis qoxu verən adamın yanında mən niyə oturmalıyam? Sual vermişəm ki, “niyə oturum, niyə o əziyyəti çəkim?”

Hətta mənim sənət dostlarım var ki, doğrudan da, yanlarından keçiləsi deyil, pintidirlər. Mənim məqsədim təmizkarlığın təbliğatını aparmaq olub”, - deyə əməkdar artist bildirib.