Türkiyənin tanınmış aktyoru Koray Ergün vəfat edib

Türk teatrının və ekran layihələrinin sevilən siması Koray Ergün 68 yaşında dünyasını dəyişib.

BAKU.WS xəbər verir ki, usta aktyorun vəfatı ailəsi tərəfindən sosial şəbəkədə paylaşılan açıqlama ilə ictimaiyyətə çatdırılıb. Paylaşımda "Atamızı itirməyin dərin kədərini yaşayırıq. Məkanı cənnət olsun" ifadələri yer alıb.

Qeyd edək ki, Koray Ergün ötən ilin fevral ayında sosial media hesabında səhhəti ilə bağlı açıqlama vermişdi. O bildirmişdi ki, sol əlində güc itkisi səbəbilə xəstəxanaya yerləşdirilib və aparılan müayinələr zamanı beynində 3 santimetr ölçüsündə törəmə aşkarlanıb.

Aktyor daha sonra mikrocerrahi əməliyyat keçirib və müalicə prosesinə görə Ankara Ekin Teatrında rol aldığı tamaşaya və qastrol səfərlərinə ara verdiyini açıqlamışdı.