Timatiyə qarşı məhkəmə qərarı – Kommunal borc qalmaqalı böyüyür

Moskvada məhkəmə məşhur reper Timatinin (əsl adı Timur Yunusov) kommunal xidmətlərə görə borcunun ödənilməsi barədə qərar çıxarıb.

BAKU.WS xəbər verir ki, bu barədə RIA Novosti məlumat yayıb.

İddiaya görə, sənətçi yaşayış sahəsi və istilik, elektrik enerjisi daxil olmaqla kommunal ödənişləri ödəməyib. Məhkəməyə müraciəti Moskvadakı çoxmənzilli binaların əsaslı təmiri fondu edib.

Məhkəmə iddianı təmin edib, lakin borcun dəqiq məbləği açıqlanmayıb.

Daha əvvəl Timati bu ittihamla bağlı bildirmişdi ki, heç bir borcu yoxdur. Onun sözlərinə görə, idarəedici şirkət altı aydan çox müddətdə ona kommunal xidmətlər üçün hesab təqdim etməyib və məsuliyyət onlardadır.