Tanınmış aktrisa 50 dayəni işdən çıxardığını etiraf edib

Tanınmış rusiyalı aktrisa Anna Xilkeviç təxminən 50 potensial dayəni işdən çıxardığını etiraf edib.

BAKU.WS xəbər verir ki, bu barədə "7days.ru" saytı məlumat yayıb.

"Evimə gələn və sonra gedən qəribə qadınlar barədə bütöv bir kitab yaza bilərəm", – deyə aktrisa bildirib.

Məlumata görə, Xilkeviç 3 qız övladı üçün dayə seçimində olduqca ciddi tələblər irəli sürür. O, pedaqoji təhsilli və zəngin iş təcrübəsinə malik bir qadın axtarır. Dayə ağıllı, səliqəli olmalı, uşaq yeməkləri bişirməyi bacarmalı və psixologiyaya maraq göstərməlidir.

Aktrisa həmçinin, etibarlı münasibət qura biləcəyi bir dayə tapmaq niyyətindədir. Buna qədər o, bildirmişdi ki, üç dayəni müxtəlif səbəblərlə işdən çıxarıb: onlardan biri uşağa qarşı kobud davranıb, digəri iş vaxtı yatıb, üçüncüsü isə uşaqlarla birlikdə yolu icazəsiz keçib.