Şeyma Subaşından narkotiklə bağlı ETİRAF

İstanbulda məşhurlara qarşı aparılan narkotik əməliyyatları çərçivəsində saxlanılan və daha sonra buraxılan Şeyma Subaşı açıqlaması ilə gündəmə gəlib.

BAKU.WS xəbər verir ki, o test nəticələri hələ açıqlanmadan narkotik maddə istifadə etdiyini etiraf edib.

Qeyd edək ki, barəsində daha öncə axtarış qərarı çıxan Subaşı, xaricdən Türkiyəyə qayıdarkən İstanbul Hava Limanında hüquq-mühafizə orqanları tərəfindən saxlanılıb. Daha sonra Subaşı barədə ölkədən çıxış qadağası tətbiq olunaraq buraxılıb.

İstintaq çərçivəsində Şeyma Subaşıdan Məhkəmə-Tibb Qurumunda saç və qan nümunələri götürülüb.

Onun narkotik maddə istifadə edib-etmədiyi aparılacaq ekspertiza nəticəsində dəqiqləşəcək.