Röya Ayxan Elçin Cəfərovla "Can"ı təqdim etdi

Xalq artisti Röya Ayxan və sevilən ifaçı Elçin Cəfərovun birgə təqdim etdiyi "Can" mahnısı son günlər sosial şəbəkələrdə böyük maraq doğurur.

BAKU.WS xəbər verir ki, xüsusilə TikTok platformasında sürətlə yayılan və bir neçə gündür trendə çevrilən mahnı istifadəçilər tərəfindən minlərlə paylaşımla qarşılanır.

Mahnının söz və musiqisi Rafael Şabanova, aranjimanı isə Elvin İmanova məxsusdur.

"Can" duyğusal melodiyası və yadda qalan ifası ilə dinləyicilərin qısa zamanda rəğbətini qazanıb.

Qeyd edək ki, mahnı hazırda YouTube, Spotify, Apple Music və digər aparıcı musiqi platformalarında dinləyicilərin ixtiyarındadır.