Qaxa ilk qar yağıb - FOTO

Dünən axşamdan etibarən şimal-qərb bölgəsinə yağış, sulu qar və daha sonra isə qar yağıb.

BAKU.WS-in bölgə müxbiri xəbər verir ki, qar rayonun dağlıq kəndlərini ağ örpəyə bürüyüb.

Axşamdan başlayan yağıntı hələ də davam edir. Qar əsasən rayonun ucqarında yerləşən Sarıbaş, İlisu, Ağçay və Qaşqaçay kəndlərinə yağıb. Nəticədə dağlıq kənd yolları qarla örtülüb.

Səhər saatlarından etibarən Qax-İlisu-Sarıbaş, Qax-Qaşqaçay-Armudlu yollarında avtomobillərin daha intensiv hərəkət etdiyi nəzərə alınaraq texnikalar vasitəsilə yolun hərəkət hissəsi qardan təmizlənib.

Qeyd edək ki, dəniz səviyyəsindən 1400 metr yüksəklikdə yerləşən İlisu kəndində qarlı-şaxtalı günlər təqribən 6 ay davam edir.

Qalereya