Məşhur aktrisa: "Atamın vəfatını 6 il əvvəl yuxumda gördüm, 6 il sonra onu itirdik"

Tanınmış aktrisa Hilal Altınbilek, real həyatda başına gələn tükürpədici hadisədən danışıb.

BAKU.WS xəbər verir ki, o 2023-cü ildə dünyasını dəyişən atası Özdemir Altınbilekin vəfatını illər əvvəl yuxusunda gördüyünü bildirib.

Altınbilek, yaşadığı kədərli təcrübəni bu sözlərlə bölüşüb:

"Atamı itirməzdən 6 il əvvəl onun vəfatını yuxuda görmüşdüm. O vaxt atam tamamilə sağlam idi, heç bir xəstəliyi yox idi. Ayılanda o qədər qorxdum ki, nə baş verdiyini anlaya bilmədim. Yuxu o qədər real idi ki, oyandıqdan sonra da uzun müddət ağlamağa davam etdim. Həmin yuxudan müəyyən müddət keçdikdən sonra onda xəstəlik aşkar olundu və 6 il sonra onu itirdik".

Aktrisanın bu emosional etirafı qısa zamanda sosial şəbəkələrdə geniş əks-səda doğuraraq müzakirələr yaradıb.