Hacı Nuran Leyla Əliyevanı təbrik etdi (FOTO)

Həyat fondunun yaradıcısı Hacı Nuran Heydər Əliyev Fondunun vitse-prezidenti Leyla Əliyevanı ad günü münasibəti ilə təbrik edib. BAKU.WS-in məlumatına görə, məşhur teleaparıcı bu barədə şəxsi Instagram hesabında yazıb: "Bu gün Heydər Əliyev Fondunun vitse-prezidenti, İslam Əməkdaşlıq Təşkilatı Gənclər forumunun mədəniyyətlərarası dialoqunun baş koordinatoru, Heydər Əliyev Fondunun Rusiya nümayəndəliyinin rəhbəri, Baku jurnalının təsisçisi və baş redaktoru, Rusiyadakı Azərbaycanlı Gənclər Təşkilatının (AMOR) sədri, Ətraf mühitin mühafizəsi naminə beynəlxalq dialoq ictimai birliyinin (IDEA) təsisçisi və sədri Leyla xanım Əliyevanın doğum günüdür. Onun haqqında çox yazmaq olar və yəqin ki, bu gün təbriklər də çox olacaq. Mənim üçün isə, Leyla xanım ilk növbədə xilaskar mələkdir. Doğum gününüz mübarək! Ürəkdən təbrik edirəm. Mənim kimi neçə-neçə insana ümid və qayğı, dəstək verdiyiniz üçün qarşınızda baş əyirəm. Siz gözəl əməllərinizlə sevilirsiniz. Böyük əməllər, böyük ürəyə sahib olmağınızdan xəbər verir. Arzu edirəm ki, o böyük ürəklə hələ uzun illər böyük işlər görməkdə davam edəsiniz və Allah hər şeyi gözəl ürəyinizə görə versin. Təbrik edirəm! Ad gününüz mübarək!"BAKU.WS