Gülşənin ev dustaqlığı ləğv edildi

Türkiyənin məşhur müğənnisi Gülşən Çolakoğlunun ev dustaqlığı ləğv edilib.

BAKU.WS Türkiyə mediasına istinadla xəbər verir ki, müğənninin ölkə xaricinə çıxışı hələ də qadağandır.

Xatırladaq ki, Gülşən İmam Hatip liseyinin məzunlarını hədəf alan sözlərindən sonra saxlanılmışdı. Prokurorluğa verdiyi ifadədən sonra İstanbul Sülh Cəza Hakimliyinə köçürülən Gülşən Çolakoğlu orada sorğu-sual edildikdən sonra həbs olunaraq Bakırköy qadın həbsxanasına göndərilmişdi. Gülşənə qarşı hazırlanan iddianamədə 1 ildən 3 ilə qədər həbs cəzası istənilir.