Gülay Zeynallı məşhur bəstəkarla klipə çəkildi

Müğənni Gülay Zeynallı "İstərsənmi" adlı növbəti sevgi mahnısını təqdim edib.

BAKU.WS xəbər verir ki, sənətçi musiqisi bəstəkar Tərlan Məmmədhüseynova, sözləri Rafael Şabanova aid "İstərsən" adlı mahnını sevənlərinin ixtiyarına verib.

Yeni bəstə dərin hisslər və incə duyğularla zəngin melodiyası ilə dinləyicilərin qəlbinə toxunur. Mahnıya rejissor Emin Muradovun rəhbərliyi ilə ekran həyatı verilib.

Klipdə Gülay iki fərqli və maraqlı obrazda tamaşaçı qarşısına çıxıb. Musiqi dünyasının tanınmış simalarından olan bəstəkar Tərlan Məmmədhüseynov da ekran işində yer alaraq royal arxasında mahnının sehri ilə tamaşaçıları ovsunlayır.

Müğənninin vizajı Elnur Həsənova aiddir. Klip artıq bütün musiqi platformalarında yayımlanıb.