Elza Seyidcahandan yeni şeir: "Yorğun olanda mənimlə məzələn..."

Əməkdar artist Elza Seyidcahan yeni şeir yazıb.

BAKU.WS xəbər verir ki, bəstəkar -müğənni şeirini Instagram hesabında paylaşıb.

Həmin şeiri oxucularımıza təqdim edirik:  

"Məzələn"

Yorğun olanda mənimlə

Məzələn.

Soy əynini, soy ruhunu

Təzəllən.

Oradan bura, buradan ora

Sərələn.

Mənə de ki, 

Dağ qoynumda 

Təpələn.

Ağuşumda körpələn 

Gəldiyin yollara 

Güllər səpərəm.

Saçlarınla dəniz təki 

Ləpələn.

De ki, mənə  

Başdan -ayağa mən sənin üçün  

Qəzələm.

Yaralanaram.

De ki, de ki,

Nərə çəkərəm.

AY çəkərəm, ox çəkərəm,

of çəkərəm, uf çəkərəm.

Məzələnməsəm, təzələnmərəm. 

Yer olmasa,

Vaxt solmasa,

Heç olmasa  

Yorğun könlün 

Xoş olmasa 

Demə mənə  

Mən sevgimi  

Kəsərəm.

Bu yoldan mən 

Küsərəm.

Bil ki canım 

Mən ölərəm, itərəm.

Sevgi yoxsa,

Arxayın ol 

Gəl mənimlə 

Məzəli-məzəli

Məzələn.

Təzələn.

Nazim Babayev

BAKU.WS