“Boşansın, onu lüt göndərəcəm evdən, hər şey mənimdir” - Rəmişin arvadı efirdə ağladı - VİDEO

ARB TV-nin “Səhər-səhər” verilişinin qonağı Xalq artisti Rafiq Hüseynov (Rəmiş) və yoldaşı Gülü olub.Gülü xanım bildirib ki, Rəmişin qohumları Rəmişin mal-mülkünə göz dikib: “İndidən mal-mülkünün davasını edirdilər. Deyirlər Gülünü boşa. Boşansın, onu lüt evdən göndərəcəm, yola salacam gedəcək. Hər şeyi mənimdir”. Rəmiş isə həyat yoldaşının sözlərinə belə reaksiya verib: “Gedib evimi də, maşınımı da Gülünün adına keçirdim. Sabah mənə nəsə olsa, mal-mülk davası getməsin. Mən onu necə boşayım? Yetim qızdır, heç kimi yoxdur. Acınacaqlı həyat yaşayıb. Ona görə də indi nə istəyir alıram. Onu bağçaya mən aparıb-gətirmişəm. O vaxtdan məni çox istəyir. Atası mənim müəllimim idi. Bunun elə ilk məhəbbəti də, son məhəbbəti də mən olmuşam. Uşaq vaxtı atası atıb internata. Acınacaqlı həyat keçirib. İndi də pulu atıram qabağına”. Bu sözlərdən sonra Gülü xanım göz yaşlarını saxlaya bilməyib. BAKU.WS