"Betmen" öldü

Amerikalı aktyor Val Kilmer 65 yaşında pnevmoniyadan vəfat edib.

BAKU.WS xəbər verir ki, onun qızı Mersedes Kilmer "The New York Times"a açıqlamasında atasının ölüm səbəbinin pnevmoniya olduğunu bildirib.

Kilmer 2014-cü ildə qırtlaq xərçəngi diaqnozu alsa da, xəstəliyi məğlub etmişdi. Lakin xəstəlik onun səs tellərinə ciddi ziyan vurmuşdu. Aktyor çərşənbə axşamı Los-Ancelesdə dünyasını dəyişib.

Val Kilmer "Top Gun" və "Batman Forever" filmlərindəki rolları ilə məşhur idi. O, 1984-cü ildə "Tam məxfi!" komediyası ilə kinoda debüt etmiş, 1986-cı ildə isə "Top Gun" filmi ilə tanınmışdı. 1991-ci ildə "The Doors" filmində Can Morrison obrazını canlandırıb və filmdəki mahnıları özü ifa edib.