Azərbaycanlı tanınmışlar bahalaşmadan yazdı (FOTO)

Azərbaycanlı məşhurlar manatın dollara nisbətdə ucuzlaşması ilə əlaqədar olaraq son günlər istehlak məhsullarının bahalaşmasına münasibət bildiriblər.

BAKU.WS məlumat verir ki, məşhurlar sosial şəbəkələrdəki şəxsi hesablarında fikirlərini bölüşüblər. Onlardan bəzilərini təqdim edirik:

Emma Ələkbərzadə:

 

"10 manat 50 qəpik olan uşaq yeməyi, 14 manat 50 qəpik olub. 14-15 manatlıq uşaq bezləri 17 manat olub. Yaşayaq, insanlar. Hər şeyi balalarımıza qurban edək. Təki balaların canı sağlam olsun, qarnı tox olsun. Bizə bundan başqa heç nə lazım deyil".

Elvin Abdullayev:

"Bu gün səslənən bütün dualara, amin deyirəm. Allah heç kəsi əlacsız qoymasın,insanları bir-birinə möhtac etməsin, İnşallah. Mən inanıram ki, hər şey öz yoluna düşəcək. Dostlar bir şey də var. Hər gün bədbin , neqativ fikirlərə dalmayın. Hər şeyə müsbət və pozitiv yanaşın ki, Allah yaxşılığa dogru yönəltsin hər işinizi. Zamanla hər şey çox yaxşı olacağına inanıram mən. Hər bir ailəyə, gözəl günlər ruzulu günlər arzu edirəm. Həyatımız həmişə xoş və firəvan, sevgi dolu keçsin. Bir sözlə özümə nə arzu edirəmsə, sizə də həmçinin. Mənim üçün fərq etməz sizləri tanıyıram, ya yox. Əsas olan odur ki, biz bu vətənin övladlarıyıq. Torpağımız, canımız, qanımızd a eynidi. Hər Amin deyilən dildə bir xeyr var. Amin deyək".   Nura Suri:  

"Hər şeyi başa düşdük. Amma pulu hardan tapaq? Yerin bilən varsa, yazsın".

Abbas Bağırov:

"Günün şəkli. Deyirəm, insaf deyilən bir şey yoxdur bu adamlarda. Bu meyvənin, suyu da, gübrəsi də yerlidir, torpağı da Azərbaycandır. Niyə axı yerli meyvəni dollarla satırlar?”.

Murad Əzimzadə:

"Bəzi mağazalar bağlanıb. Sabah işləyəcəklərini deyirlər. Səbəb manatın dəyərinin aşağı düşməsi, məhsulların qiymətinin qalxmasıdır. Xoş gəldin 90-cı illər!"

Tolik:

"Allah ölkəmizdə insanların yaşayışın düşünən insanları var eləsin. Amma o kəslər ki, hər şeydən istifadə edib insanların günün-güzaranın pis eləyirsə Allah onları özü cəzalandırsın. Dünən bəzi dükan sahbiləri dükanı bağlayıb insanları təlaşa salmağa çalışdılar. Amma anlamırlar ki,  dünyanın ən varlı insanları bir günün içində müflis olurlar".

Nadir Qafarzadə:

"Allahım heç bir bəndəni aclıq, yoxsulluqla imtana çəkmə!"

Günel Hümbetova:

"Xaricə nə ixrac eləmək olar?"

URAN:

"Dollar, nolar?!

Dollar qalxdı, avronun əlindən tutub dedi manata:

"Yollarımız ayrılır, özün izah edərsən camaata.

Bugünə kimi dözdük, dartdıq, bataqlıqdan çıxartdıq,

Qıqanclıq və kaprizlərinə dözə bilmirik artıq

Neft ucuzlaşandan sonra sən də itirdin çəkini

İnflyasiya təpiyini alandan sonra hamı səndən çəkinir.

Sevgimiz bura qədər imiş, səni sevmək kədər imiş,

Sənin sabitlik haqqında nağılların isə hədər imiş."

Bu sözlərdən sonra dollar avronu götürüb qalxdı

Manat udqundu, elə bil nəsə demək istədi buvaxtı.

İstədi qışqırsın: "Dollar, nolar qayıt, qaytar avronu,

Sevirəm onu, sevirəm səni. Dostlar beləmi davranır?!"

Amma yox. Depressiyaya düşmüş manat gəldi sahilə,

Gəminin lövbərin qaldırıb bir ah çəkdi daxilən:

"Nə fərqi var indi zahirən beşəm, onam, yüzəm mən,

Sürünməyə də yer yox, gərik dənizdə üzəm mən."

$$$$$$

Dollar, nolar, düş aşağı,

Gücü yox dözməyə,

Manat gedir üzməyə.

Dollar, nolar, düş aşağı,

Avrodan bezməyib.

Manat gedir üzməyə.

21.12.2015"

Ayşən Ayxan

BAKU.WS