Azərbaycanlı məşhur bu görüntülərə görə ATV-ni məhkəməyə verir - VİDEO

Aşıq Namiq Fərhadoğlu həmkarı Fəzail Miskinlini və ATV kanalını məhkəməyə verməyə hazırlaşır. BAKU.WS ölkə.az-a istinadən xəbər verir ki, o, reklam fasiləsində baş verənlərin ictimailəşdirilməsinin doğru olmadığını deyib: "Fəzaillə tonla çörək kəsmişik, dostluq etmişik, eyni bölgədənik. Amma o, mənim tənqidimə dözümsüz davranaraq, o cür hərəkətlər etdi. Bu görüntüləri yaydığına görə ATV kanalını, eyni zamanda Fəzail Miskinlini məhkəməyə verəcəyəm. Ya onlardan təzminat alacağam, ya da hər iki tərəf media qarşısında məndən üzr istəməlidir. Bu bardə Fəzailə də xəbərdarlıq etmişəm. Dedim ki, eloğluyuq, üzr istə, üzr istədiyin videonu mediaya təqdim et. Bir həftə vaxt vermişəm. Üzrxahlıq olmahacağı halda, 50 min manat təzminat tələb edəcəyəm". BAKU.WS