Aynişan: Anam öyrətmişdi ki, bu rəqəmləri yığ və ünvanı de - FOTO

Əməkdar artist Aybəniz Haşımovanın qızı Aynişan Xalid ona həsəd aparıb bəxtəvər deyənlərə ağır keçirdiyi uşaqlığından danışıb. BAKU.WS xəbər verir ki, atası Qarabağda şəhid olan Aynişan anasının 7 il xəstə yatdığını açıqlayıb:"Heç kimin heç nədən xəbəri yox idi. Anam həyatda tanıdığım ən güclü qadındır! Bəzən adamlar uzaqdan baxıb bəxtəvərlik verir. Çox vaxt pozitiv statuslar yazanda "Sən nə çətinlik görmüsən ki, əlbəttə dünya-aləm vecinə olmayacaq" deyirlər. Görmüşəm. Atamı itirəndə 1 yaşım var idi. 7 il yataqda həyatla mübarizə aparan ananın yanında oturub, gün ərzində 3-4 təcili yardımı qarşılayıb, yola salanda isə danışma qabiliyyətim belə tam formalaşmamışdı. Anam öyrətmişdi ki, bu rəqəmləri yığ və ünvanı de. Biz bir-birimizdən möhkəm yapışıb həyata tutunduq, Allaha güvəndik. Çox şükr bu günümüzə çox şükür"!BAKU.WS