"A.B.İ." serialında gözlənilməz ayrılıq - Məşhur aktrisa layihəni tərk edir

Aktrisa Afra Saraçoğlu "A.B.İ." serialını tərk edəcək.

BAKU.WS xəbər verir ki, layihədə vəkil Çağla obrazını canlandıran aktrisanın vida səhnələri artıq çəkilib.

Afra ekran işi ilə 17-ci bölümün finalında tamaşaçılarla vidalaşacaq.

Serialın mövsüm finalının isə 23 iyunda yayımlanması planlaşdırılır.

Rejissor Cem Karcı tərəfindən ekranlaşdırılan serialda süjet xətti tamamilə dəyişəcək. Kenan İmirzalıoğlunun canlandırdığı Doğan obrazı əvvəlcə babasını, daha sonra isə Çağlanı itirdikdən sonra həyatının ən qaranlıq dövrünə qədəm qoyacaq.

Yeni bölümlərdə serialda heç nəyin əvvəlki kimi olmayacağı, münasibətlərin və güc balansının tamamilə dəyişəcəyi bildirilir.

Qalereya