055 213 76 73
Əməkdar artist Aygün Zeynalova yeni seriala çəkilir.
"Ay yay yay" serialına dəvət alan aktrisa BAKU.WS-ə özəl açıqlama verib.
Aygün Zeynalova bunları deyib:
"Təklifi serialın rejissoru Ramin Hacıyevdən aldım. Bu komedik rol məni çox maraqlandırdı. Ümumiyyətlə, aktyor, aktrisa bütün müxtəlif, fərqli janrlarda özünü sınamalı, tanıtmalı və sevdirməyə çalışmalıdır. Komedik obraz mənim üçün bir yenilik olacaq. Serialda çox kübar, ziyalı, imkanlı və özündənrazı bir xanımı canlandıracağam. Həyat yoldaşımı isə respublikanın Xalq artisti, gözəl aktyor Ramiz Novruz oynayır".
Xatırladaq ki, Aygün Zeynalova bir müddət əvvəl bitən "Vicdan haqqı" serialında Dilarə obrazını canlandırırdı. O, seriala 62-ci seriyadan daxil olmuşdu.
Hüseyn Məmmədsalahov
BAKU.WS
